Agiri ofizialak

Ziurtagiri Ofiziala

Gainditutako ikasmailen Ziurtagiri Ofiziala eskatzeko (ez da titulua), egin beharrekoa:

- 2015-2016 ikasturtetik aurrera lortutako ziurtagirietarako ikasleak berak deskarga dezake Ikasgunea plataforman, erregistratu ostean. Horretaz gain, eskabidea e-mail bidez egin dezake (eoiordiziaheo@gmail.com) eta NANa alde bietatik eskaneatuta erantsi. Horrela, emailez bidaliko zaie ziurtagiria. Nahi izanez gero, espedientea duten HEOra ere joan daitezke NANa aldean dutela eskabidea egitera.

Behin ziurtagiria jasota, ikasleek berriz kontsultatu edo inprimatu ahal izango dute, ziurtagirian agertzen den lokalizatzailea helbide honetan sartuta: http://euskadi.eus/lokalizatzailea edo QR kodea erabilita.

- 2015-2016 ikasturtea baino lehen lortutako ziurtagirietarako eskabidea e-mail bidez egin daiteke ondorengo inprimakia bete eta NANa bi aldeetatik eskaneatuta erantsita, ikasleak berak deskargatu ahal izango du Ikasgunea plataforman (erregistratu ostean) 24-72 orduko epean. Nahi izanez gero, espedientea duten HEOra joan NANa aldean dutela.

Kasu guztietan ziurtagiria doakoa da.

Titulua

Titulu ofiziala Eskaera-inprimakiaren bidez eskatu daiteke, eskatu eta aste bete inguruko epean, ikasleak ordainketa-gutuna jasoko du bere posta elektronikoan (batzuetan spam/posta ez desiratuaren karpetan). Ordainketa egin ondoren Tituluaren egiaztagiria/frogagiria bidaliko zaio emailez, urte bete inguru behar bait ditu jatorrizko Tituluak eskolara iristeko.

Behin eskolara titulua iristen denean, ikasleari jakinarazten zaio, jasotzera pasa dadin. NANarekin aurkeztu behar da eskolan; eta berak jaso ezingo balu, beste pertsona bati baimena eman diezaioke jasotzeko (deskargatu baimena)